Accessibility links

Breaking News

Highlanders Yotamba neNgezi Platinum muMakwikwi eChibuku Semi-Final


Mukombwe weChibuku Super Cup
Mukombwe weChibuku Super Cup

Draw yema semi fainari eChibuku Super Cup yakaitwa kumahofisi ePremier Soccer League nemusi weChipiri.

Zvikwata zvine mukurumbira hazvina kubatanidzwa mumitambo yemasemi fainari yemakwikwi aya.

Highlanders ichatamba neNgezi Platinum Stars iyo yakadambura Tsholotsho Pirates 4-1 kuti isvike pachinhanho ichi.

Pakapedzisira kusangana Highlanders neNgezi Platinum Stars muBabourfields Stadium, Ngezi Platinum Stars yakabuda munhandare ichizhamba mushure mekunge Highlanders yakapihwa penareti mutambo wave kupera.

VeNgezi Platinum vaichema kuti penareti yaive yapihwa Highlanders yaive isiri pamutemo.

Sachigaro weNgezi Platinum Stars VaJeremiah Gasiteni vanoti uyu mukana wavapihwa kuratidza kuti vanokwanisa kurova Highlanders.

Pane imwe semi fainari, chikwata chine mukombe uyu cheHarare City chiri kusangana neFC Platinum iyo irikutungamira makundano eCastle Lager Premier Soccer League.

Asi Ngezi Platinum inofanira kuyambirwa kuti Highlanders yacho haisi yekutamba nayo pamusha payo.

Anotaura akamirira maSunshine City Boys VaHope Chizuzu vanoti vari kufara nekusangana neFC Platinum vachiwedzera kuti sevanhu vane mukombe uyu varikuziva basa ravanofanira kuita.

VaChizuzu vanoti chinangwa chavo ndechekutora mukombe nekuenderera mberi nekumirira nyika muCaf Confederation Cup.

Mushure mekutora mukombe uyu gore rapera, Harare City ndiyo yakamirira nyika muCaf Confederation Cup gore rino umo vakabuda munharaunda yekutanga.

Pamusoro pekumiririra nyika muCaf Africa vanotora Chibuku Super Cup anopihwa mari inoita iyo zviuru makumi manomwe nemashanu amadhora.

Nyaya Ina Michael Kariati
please wait

No media source currently available

0:00 0:03:11 0:00
Pekupinda Napo Kuti Muone Zvamuri Kuda

XS
SM
MD
LG