Accessibility links

Breaking News

Dynamos Yotatsurana neFC Platinum Mumutambo Wakakosha weCastle Premier Soccer League


Dynamos
Dynamos

Dyanamos iyo ine gakava mumba mayo iri kutarisirwa kutamba nechikwata chiri kutungamira gungano reCastle Premier Soccer Leagur cheFC Platinum mumutambo wakatarisirwa neveruzhinji munyika neMugovera.

Nhengo yeDynamos Supporters Association Muzvare Judith Nyatsanza vanoti vateveri vechikwata ichi vanofanira kubatana vakananga kuZvishavane kuti vanokunda FC Platinum.

Chikwata ichi chirikubaka moto nekudzima zvekuti vateveri vavo havasisina chivimbo nechikwata chavo mumitambo mitanhatu yasara.

Muongorori wezvemitambo VaDannyboy Muneri vanoti vachitarisa matambiro anga achiita zvikwata izvi Kugona Kunenge Kudada iri kukunda.

VaMuneri vanofembera zvibodzwa zvavanofunga kuti FC Platinum inokunda nazvo.

Chikwata chiri pachidanho chechitatu Highlanders chiri pamusha neMutare City Rovers apo Caps United iri pamusha zvekare neTsholotsho Pirates.

Mutare City Rovers irikusangana ne Ngezi Platinum Stars panguva iyo Triangle ine Chapungu.

ZPC Kariba ichatamba neHarare City Chicken Inn ichivhara musangano neNgezi Platinum Stars

XS
SM
MD
LG