Accessibility links

Breaking News

VaLumumba Vorohwa neKutorwa neMapurisa


VaAcie Lumumba
VaAcie Lumumba

VaAcie Lumumba avo vakaparura bato ravo rezvematongerwo enyika nemusi weChina rinonzi Viva Zimbabwe vanonzi vasungwa uye kurohwa nevanhu vasiri kuzivikanwa.

VaLumumba vakaparura bato ravo iri kuAmbassador Hotel muHarare

Munyori anoona nezvemutemo mubato idzva iri VaAgency Gumbo vaudza Studio 7 kuti VaLumumba varohwa panze pehotera iyi.

"VaLumumba pavangobuda muhotera mavanga vari vabva vangorohwa nevanhu vatisiri kuziva kuti ndivananai."

VaGumbo vatiwo VaLumumba vabva vadaidzwa nemapurisa kuHarare Central Police Station. "VaLumumba vadaidzwa kumapurisa vachinzi vange vari kuda kubvunzurudzwa nemapurisa. Asi patazoyedza kuvafonera panharembozha yavo vange vasingadaire nharembozha yavo. Ikozvino hatisi kuziva kuti vari kupi."

VaLumumba pakuparura bato ravo vanonzi vakatukirira mutungamiri wenyika VaRobert Mugabe.

Studio 7 yayedza kutaura naVaLumumba panharembozha yavo asi vange vasiri kudaira.

XS
SM
MD
LG