Accessibility links

Breaking News

Bazi rezveHutano Rinoti Kushaya Mvura Yakachena Kwopa Kuti Chirwere cheManyoka Chipararire muVana.


Nyanzvi yezvirwere zvinotapuriranwa mubazi rezve hutano Dr Portia Manangazira vanoti zvirwere zvemanyoka zviri kuramba zvichitekeshera muvana vari pasi pemakore mashanu. Izvi zviri kukonzerwa nekushomeka kwemvura yakachena.

Dr Manangazira vanokurudzira veruzhinji kuti vafashaidze mvura yavo yekunwa vasati vapa vana nemhuri yese kuitira kuti zvirwere zvemanyoka zvisarambe zvichiapararira.

"Tinokurudzira veruzhinji kuti vaite zvehutsanana zvinosanganisira kufashaidza mvura isati yashandiswa nekugeza mawoko kuitira kuti zvirwere zvemanyoka zvicharambe zvichitekeshera munyika," Dr Manangazira vaudza Studio 7.

Dr Manangazira vanoti nhomba yeROTA virus yavari kudonhedzera vana iri kubatsira mukudzikisira huwandu hwevana vane makore mashunu zvichidzika vari kubatwa nezvirwere zvemanyoka.

Hurukuro NaDr Portia Manangazira
please wait

No media source currently available

0:00 0:03:03 0:00
Pekupinda Napo Kuti Muone Zvamuri Kuda

XS
SM
MD
LG